- ශීල විශුද්ධිය – ශීල විශුද්ධිය යනු පිරිසිදු සීලය යි.
- චිත්ත විශුද්ධිය – චිත්ත විශුද්ධිය යනු සිත කිලිටි කරන නීවරණයන් යටපත් කිරීමට සමත් බලවත් සමාධිය යි.
- දිට්ඨි විශුද්ධිය – දිට්ඨි විශුද්ධිය යනු නාම රූපයන් ඇති සැටියට දක්නා වූ, ඝන සංඥාව, ආත්ම දෘෂ්ටිය දුරුකරන්නා වූ ඥානය යි. (නාම රූප පරිච්ඡේද ඥානය)
- කංඛා විතරණ විශුද්ධිය – කංඛා විතරණ විශුද්ධිය යනු අතීත, අනාගත නාමරූප ස්කන්ධ පිළිබඳ පවතින සැක දුරු කරන්නා වූ, නාම රූපයන්ගේ උත්පත්ති හේතූන් දන්නා ඥානය යි. (නාම රූපයන්ගේ හේතු ඵල සම්බන්ධය දක්නා ඥානය)
- මග්ගාමග්ග ඥාන දර්ශන විශුද්ධිය – මග්ගාමග්ග ඥාන දර්ශන විශුද්ධිය යනු විදර්ශනා උපක්ලේශයන් දුරු කොට විදර්ශනා භාවනාව දියුණු වීම සඳහා ගත යුතු නිවැරදී මාර්ගය හා වැරදි මාර්ගය දැන ගන්නා වූ නුවණයි.
- ප්‍රතිපදා ඥාන දර්ශන විශුද්ධිය – ප්‍රතිපදා ඥාන දර්ශන විශුද්ධිය යනු උදයව්‍ය ඥානයේ පටන් අනුලෝම ඥානය දක්වා ඇති විදර්ශනා ඥාන 9 යි.
- ඥාන දර්ශන විශුද්ධිය – ඥාන දර්ශන විශුද්ධිය යනු ලෝකෝත්තර මාර්ග සතර යි.
[අතිපූජ්‍ය රේරුකානේ චන්දවිමල නාහිමි, අභිධර්ම මාර්ගය, p318- 332]
[අතිපූජ්‍ය රේරුකානේ චන්දවිමල නාහිමි, විදර්ශනා භාවනා ක්‍රමය, p47-204]
Further reading (download link):
පූජ්‍ය රේරුකානේ චන්දවිමල නාහිමි, අභිධර්ම මාර්ගය
පූජ්‍ය රේරුකානේ චන්දවිමල නාහිමි, විදර්ශනා භාවනා ක්‍රමය
daham karunu 