තමා සමාදන් ව සිටින සීලයේ සිල්පද එකින් එකට සිහි කොට ප්‍රීතිය ඇති කර ගත යුතුය. ඒ සඳහා මෙසේ සිල්පද ආවර්ජනය කළ හැක.
- රහතන් වහන්සේලා දිවිහිමියෙන් ප්‍රාණඝාතයෙන් වැළකී සියළු සත්ත්වයින් කෙරෙහි අනුකම්පා සහගත සිතින් වාසය කරන්නේ ය. මම ද අද එසේ හැසිරෙමින් රහතන් වහන්සේලා අනුගමනය කරමි. රහතන් වහන්සේලා කරන ලද්දක් කරමි.
- රහතන් වහන්සේලා දිවිහිමියෙන් සොරකමින් වැළකී ඇද නැති පිරිසිදු සිතින් වාසය කරන්නේ ය. මම ද අද එසේ හැසිරෙමින් රහතන් වහන්සේලා අනුගමනය කරමි. රහතන් වහන්සේලා කරන ලද්දක් කරමි.
- රහතන් වහන්සේලා දිවිහිමියෙන් අබ්‍රහ්මචරියාවෙන් වැළකී පිරිසිදුව වාසය කරන්නේ ය. මම ද අද එසේ හැසිරෙමින් රහතන් වහන්සේලා අනුගමනය කරමි. රහතන් වහන්සේලා කරන ලද්දක් කරමි.
- රහතන් වහන්සේලා දිවිහිමියෙන් බොරුවෙන් වැළකී අවංකව වාසය කරන්නේ ය. මම ද අද එසේ හැසිරෙමින් රහතන් වහන්සේලා අනුගමනය කරමි. රහතන් වහන්සේලා කරන ලද්දක් කරමි.
- රහතන් වහන්සේලා දිවිහිමියෙන් මදයට හා ප්‍රමාදයට හේතු වන සුරාපානයෙන් වැළකී වාසය කරන්නේ ය. මම ද අද එසේ හැසිරෙමින් රහතන් වහන්සේලා අනුගමනය කරමි. රහතන් වහන්සේලා කරන ලද්දක් කරමි.
- රහතන් වහන්සේලා දිවිහිමියෙන් විකාලයෙහි ආහාර වැළඳීමෙන් වැළකී වාසය කරන්නේ ය. මම ද අද එසේ හැසිරෙමින් රහතන් වහන්සේලා අනුගමනය කරමි. රහතන් වහන්සේලා කරන ලද්දක් කරමි.
- රහතන් වහන්සේලා දිවිහිමියෙන් නැටුම් ගැයුම් වැයම් කිරීමෙන් ද, කරවීමෙන් ද, බැලීමෙන් හා ඇසීමෙන් ද, විහිළු බැලීමෙන් ද, මල් පැළඳීමෙන් ද, සුවඳ විලවුන් භාවිතයෙන් ද, ශරීරය ඔප මට්ටම් කිරීමෙන් ද වැළකී වාසය කරන්නේ ය. මම ද අද එසේ හැසිරෙමින් රහතන් වහන්සේලා අනුගමනය කරමි. රහතන් වහන්සේලා කරන ලද්දක් කරමි.
- රහතන් වහන්සේලා දිවිහිමියෙන් අධික සැපෙයන් යුත් උස් ආසන, මහා ආසන, සයනයන් භාවිතා කිරීමෙන් වැළකී වාසය කරන්නේ ය. මම ද අද එසේ හැසිරෙමින් රහතන් වහන්සේලා අනුගමනය කරමි. රහතන් වහන්සේලා කරන ලද්දක් කරමි.
[පූජ්‍ය රේරුකානේ චන්දවිමල නාහිමි, පොහොය දිනය – p49 – p51]
Further reading (download link):
පූජ්‍ය රේරුකානේ චන්දවිමල නාහිමි, පොහොය දිනය
daham karunu 