- මේ ධර්මය ආශාවන් අඩු තැනැත්තාට ය. ආශාවන් වැඩි තැනැත්තාට නොවේ.
- මේ ධර්මය ලද දෙයින් සතුටු වන තැනැත්තාට ය. ලද දෙයින් සතුටු නොවන තැනැත්තාට නොවේ.
- මේ ධර්මය දැඩි විවේකයෙහි වාසය කරන තැනැත්තාට ය. පිරිස් සමග ගැවසීමට කැමති තැනැත්තාට නොවේ.
- මේ ධර්මය ආරම්භ කළ වීර්යය ඇති තැනැත්තාට ය. කුසීත තැනැත්තාට නොවේ.
- මේ ධර්මය එළඹ සිටි සිහිය ඇති තැනැත්තාට ය. මුළා වූ සිහිය ඇති තැනැත්තාට නොවේ.
- මේ ධර්මය සමාධිය ඇති තැනැත්තාට ය. සමාධිය නැති තැනැත්තාට නොවේ.
- මේ ධර්මය ප්‍රඥාව ඇති තැනැත්තාට ය. ප්‍රඥාව නැති තැනැත්තාට නොවේ.
- මේ ධර්මය නිප්‍රපංචයට කැමති, නිප්‍රපංචයෙහි ඇලුනු තැනැත්තාට ය. ප්‍රපංචයට කැමති, ප්‍රපංචයෙහි ඇලුනු තැනැත්තාට නොවේ.
අනුරුද්ධ මහ රහතන් වහන්සේ මෙයින් පළමු විතර්ක 7 මනසිකාර කරමින් සිටි අවස්ථාවෙහි දී බුදුරජාණන් වහන්සේ විසින් 8 වෙනි විතර්කය එකතු කරන ලදි.
මේ පිළිබඳ නිදාන කථාව හා වෙනත් බොහෝ කරුණු පහත සඳහන් පහන් කණුව ධර්ම දේශනාවෙන් අසා දැන ගත හැක.
REFERENCES:
[1] අතිපූජ්‍ය කටුකුරුන්දේ ඥානානන්ද හිමි – පහන් කණුව ධර්ම දේශනා 162 – අනුරුද්ධ මහ රහතන් වහන්සේ
daham karunu 