භාවනා පූර්ව කෘත්‍යය

නමස්කාරය

නමෝ තස්ස භගවතෝ අරහතෝ සම්මා සම්බුද්ධස්ස!
නමෝ තස්ස භගවතෝ අරහතෝ සම්මා සම්බුද්ධස්ස!
නමෝ තස්ස භගවතෝ අරහතෝ සම්මා සම්බුද්ධස්ස!

තමාට අවවාද කර ගැනීම

මා කරා ජරා, ව්‍යාධි, මරණ පැමිණිමට පෙර මාගේ භාවනා ඉක්මන් කළ යුතු ය. ඉක්මන් කරමි!

නිවන් සුවය නැමති උතුම් සුවය, නොනැසෙන සුවය ලබනු කැමති නම් කුඩා සැප අත්හැරිය යුතු ය. කුඩා සැප අත් හරිමි!

ජරා දුක, ව්‍යාධි දුක, මරණ දුක, අපාය දුක යන මහා දුක් වලට බිය නම්, ඒවායෙන් මිදීමට කැමති නම්, කුඩා දුක් ඉවසිය යුතු ය. කුඩා දුක් ඉවසමි!

සමාව අයැදීම

මාගේ අනුවණකම නිසා හෝ මාගේ දුබලකම නිසා සිත, කය, වචනින් බුද්ධ රත්නයට යම් වරදක් සිදු වී ඇති නම්, අසරණ වූ මා හට බුද්ධ රත්නය සමාවන සේක්වා!

මාගේ අනුවණකම නිසා හෝ මාගේ දුබලකම නිසා සිත, කය, වචනින් ධර්ම රත්නයට යම් වරදක් සිදු වී ඇති නම්, අසරණ වූ මා හට ධර්ම රත්නය සමාවන සේක්වා!

මාගේ අනුවණකම නිසා හෝ මාගේ දුබලකම නිසා සිත, කය, වචනින් සංඝ රත්නයට යම් වරදක් සිදු වී ඇති නම්, අසරණ වූ මා හට සංඝ රත්නය සමාවන සේක්වා!

මාගේ අනුවණකම නිසා හෝ මාගේ දුබලකම නිසා සිත, කය, වචනින් ආර්යයන් වහන්සේලාට යම් වරදක් සිදු වී ඇති නම්, අසරණ වූ මා හට සියළු ආර්යයන් වහන්සේලා සමාවන සේක්වා!

මෛත්‍රය වැඩීම

මගේ අභිමතාර්ථය සිදු වේවා! සැම දෙනාගේ ම යහපත් අදහස් සියල්ල ම සිදු වේවා! 

අපගේ ආරක්ෂක දේවතාවෝ වෛර නැත්තෝ වෙත්වා! තරහා නැත්තෝ වෙත්වා! ඊර්ෂ්‍යා නැත්තෝ වෙත්වා! නිදුක් වෙත්වා! සුවපත් වේවා!

මෙම ස්ථානයෙහි ආරක්ෂක දේවතාවෝ වෛර නැත්තෝ වෙත්වා! තරහා නැත්තෝ වෙත්වා! ඊර්ෂ්‍යා නැත්තෝ වෙත්වා! නිදුක් වෙත්වා! සුවපත් වේවා!

ලෝකපාලක දේවතාවෝ වෛර නැත්තෝ වෙත්වා! තරහා නැත්තෝ වෙත්වා! ඊර්ෂ්‍යා නැත්තෝ වෙත්වා! නිදුක් වෙත්වා! සුවපත් වේවා!

මාගේ දෙමවුපියන්, ගුරුවරයන්, නෑදෑ හිතවතුන්, උපකාරකයින් වෛර නැත්තෝ වෙත්වා! තරහා නැත්තෝ වෙත්වා! ඊර්ෂ්‍යා නැත්තෝ වෙත්වා! නිදුක් වෙත්වා! සුවපත් වේවා!

සියළු සත්ත්වයෝ වෛර නැත්තෝ වෙත්වා! තරහා නැත්තෝ වෙත්වා! ඊර්ෂ්‍යා නැත්තෝ වෙත්වා! නිදුක් වෙත්වා! සුවපත් වේවා!

අධිෂ්ඨානය

මාගේ ඇස, කන, නාසය, දිව, කය යන ඉන්ද්‍රියයන් ක්‍රියා විරහිත වෙත්වා! රූප ශබ්ද ආදී ආරම්මණයින් මා කරා නොපැමිණෙත්වා!

මාගේ සිත භාවනා අරමුණෙහි ම පිහිටිත්වා! බාහිර අරමුණු කරා ගමන් නොකරත්වා! සමාධිගත වෙත්වා!

මම ආර්යයන් වහන්සේලා ගිය මග ගමන් කරමි. නිවන් මග ගමන් කරමි.

ජීවිත පූජාව

මාගේ භාග්‍යවත් වූ, අරිහත් වූ, සම්මා සම්බුදු පියාණන් වහන්සේට මාගේ ජීවිතය පූජා කරමි! පූජා වේවා!

REFERENCES:
[1] අතිපූජ්‍ය රේරුකානේ චන්දවිමල හිමි, විදර්ශනා භාවනා ක්‍රමය – බුද්ධානුස්මෘති භාවනාව
[2] අතිපූජ්‍ය රේරුකානේ චන්දවිමල හිමි, පොහොය දිනය – බුද්ධානුස්මෘති භාවනාව